قبلة وطني ..

في مكان ما  يعمه ضجيج السكون و تتوقف فيه عقارب الساعة ، فلا يعرف لا المستقبل و لا الماضي،   في مكان ما من ذلك الممر المظلم أتمشى محذقا في كل ما قد تلمحه عيني من ضباب ،  مسرعا أتمشى و البرد الجارح معلنا إقتراب سقوط مطر في وقت ما من المستقبل ، أو الآن ، أو لربما أحسست فقط بخوف رهيب من  شدة سكونه و ظلامه  كلما خطوت خطوة إلى الأمام ، و كلما فكرت في ما قد يحدث في الخطواة القادمة .

كل ما أتذكر هو إحساسي باللاشئ يغتالني ، و كل ما أتذكر هو يقيني حينها أنني لن أتذكر شئ من ما كان يحدث حينها ، فقد كنت كالمرعوب الذي يبحث عن شئ ما في رعبه ، ولكن كل ما كان يجب علي فعله هو تجاهل الأمر و المشي قدما حتى آخر الممر .. لا أتذكر جيدا كم خطوة كلفني الأمر لأجد شئ ما كنت أحتاجه في ذلك الوقت و المكان ، في ذلك الشعور الذي كنت أخبئه و أسير عليه بخطواتي ، في كل ذلك الظلام و ذلك التهديد من السماء بالمطر ، لمحت عيناي شئ قد أسقط منهما دمعة فرح و أمان إرتياح ، هكذا كان المنظر تحديدا : عشيقان يتبادلان القبل ، يسري الحب في عروقهما و يتنفسان هوائه .. ، لم ألمح جنس العشيقان ولا وجوههما ، فذلك الحب كان كاف لنيل هدوئي المؤقت ، وجعلي مخدرا أمام المنظر متأكدا من كتمان أنفاسي مخافة مني لإزعاج العشيقين ، ولكني أذكر أنني حينها سمعت بكاء أحد العشيقين ، أو ربما هما معا ، و بل رأيتهم يتشاجران أثناء تبادلهم الحب ، و أحدهما قال للآخر أنه يكرهه عندما أخده في حضنه و قبله ... ، فحينها لم أكن أعرف إسما محددا أسمي به ما حدث ، فصرخت محتجا صارخا بحق الحب و كل خير يسري فينا ، متمنيا أن توقظهم كلماتي ، صرخت حتى فقدت في الصراخ الأمل  ، فكان أثر ما رأيت كافيا هو الآخر لكي أقرر الجلوس مرة أخرى ، و هذه المرة سمعت العشيق يهمس في أذن عشيقته في حب و ألم : أعتقد أنني أنزف ، ولكني 

أحبك . ، فأدركت حينها أن العشاق هم أنا و وطني ، لذا جلست منتظرا قدوم وطن آخر أحبه ، أو يحبني بدون أن أنزف ..

Read More

عافاك بغيني ..

أذكر جيدا ذلك اليوم، يوم ذو جو فوضوي ، غيوم هنا ، و شمس تتسلل خلسة بغيت تمرير بعض من أشعتها هناك ، قطراة مطر خجولة تتساقط على لفافتي و ما كتبه لي القدر تذخينه من حشيش في هذا الصباح أو الزوال ، فأنا لم أعد أجيد تماريني الرياضية الصباحية ، فتركت الصباح لأهله ، و سكنت الأوقات كلها ..
على نغمة الولاعة ، و رائحة الحشيش المتتطايرة في كل مكان ، هاتف يرن مرة ، إثنين ... عشراة المراة ، لا بد و أن أحدا يتحداني كي أجيب ، ولكن لا أكثرت ، و لن يغير بمكالمته القدر ، القدر ذلك الكائن العبطي ، بدون حواس و لا عقل ، يستجيب لرغباته كحوان يسير خائفا عند سماعه طلقات بندقية ، يهرول و يركض ، و يصنع تاريخه بخطواته المحفورة في الأرض الخصبة ، و ها هو القدر يجعلني أكتب عنه ، يالا القدر ... رن رن رن ، و مازال شخص ما لم يفهم بعد أنني لا أريد أن أجيب ، أو ربما سجارة الحشيش هاته من جعلني أتفلسف كي لا أجيب .. ركضت عكس القدر خلف الهاتف ، أضغط على الزر مجيبا ، صوت فتاة ما يتسلل في أذني ، سألت من فأجابت بأنها حبيبتي .. آه ، كيف لي أن أنسى حبيبتي و قد زينت الليلة الماضية نافذة المحادثة قلوبا و شعرا ، و كلمات أحبك .. ربما فقط لأنني كنت مخمورا الليلة الماضية ، أو ، لربما لأنني لا أكثرت ..
أنا حامل ... كان لهاته الكلمة أثر كأثر كلمات أمي في الصباح ، لتوقظني من غفلتي و أعي أنني أتكلم في الهاتف مع الحبيبة ، و أنها تخبرني بأنها حامل .. لم أعرف كيف أجيب ، أو بأي كلمات يجب أن أختار بعناية كي لا أظهر إرتباكي ، فهي الآن حامل مني ، حامل و كيف ؟ أذكر أننا مارسنا الجنس /الحب يومين فقط من الآن ، كيف لها أن تكون حاملا و قد إشتريت عازلا طبيا و كلفني هذا تدخين سجارة واحدة فقط ذلك اليوم ، تمالكت أنفاسي و طلبت منها المجئ حيث أنا ، فلربما وجدنا حلا لذلك المخلوق الذي تحمله في أحشائها .. لا أستطيع تقبل فكرة أنني سأصير أبا يوما ما ، أضحك عندما أصل لآخر فكرة تأتيني بخصوص الأبوية ..
أنتظرها ، فموعد وصولها يقدر ب 3 ساعات من الآن ، لذلك لففت سجارة و أخدت أجول في محرك البحث بحثا عن بعض من نظريات فرويد ، حتى وجدتني بين أحضان كتاب في نفسية الأطفال و كيفية تربيتهم ، ، فعرفت حينها الفرق بين متتبعو فرويد و قراء فن التعامل مع الأطفال و تربيتهم ..
ها قد رن جرس الباب ، فتحت الباب ، فوجدتها منكمشة في ثيابها ، نسيت التحية و نسيت جمالها و معناه ، و أخذت أقفل الباب و حملتها على أخصائي لنتأكد من وجود المخلوق أو من عدمه ، جلست واضعا يداي امامي ، تائها بين فكرة و فكرة ، فكرة أسمع فيها صوت الطفل يبكي ، و فكرة أحن فيها لوحدتي التي لن تعود و إن صرت أبا .. و أتذكر جيدا أنني أرتاح حينما أتذكر أنه لا يستطيع لأحد معرفة ما يدور في رأسي في تلك الصالة ، فجأة على أنغام هدوء تلك الصالة ، سمعت خطوات هادئة تقترب ، فأنا أعرف جيدا أن القادم يحمل في نفسه جوابا قد يغير مجرى حياتي أو قد يبقيها على حالها ... تتعالى ضحكات عشيقتي مع الطبيبة ، و سمعت الطبيبة تقول بتعجب : كيف لكي أن تكوني حاملا و أنت لازلت بكرا ؟ بل أكتر من هذا كيف لك أن تشكي في حملك هذا و العادة الشهرية تلازمك ؟ ... فأذركت بأنها لعبة قذرة من لعب الفتياة .. و تذكرت إسمها ، إنها حبيبتي رقم 06 ، فلابذ و أني كنت مخمورا و نسيت بأمر عذريتها و بأنني لم ألمسها حينها ، فقد إكتفيت فقط ببعض الحركات و لمس جسمها ..
تذكرت حينها مقطوعة منتصب القامة أمشي ، و مشيت أدراجي قاصدا قوقعتي ، وضعت يدي في جيبي ، ففتحت أبواب الجنة حينما تلمست ورقة نقدية نويت إعطائها للطبيبة مقابل فحص أم إبني ، و ها هي الآن ، ما هي إلا حبيبتي رقم 06 ، لذا لم أدفع ، و إشتريت علبة سجائر و رجعت أدراجي ، مقررا عدم حلق عضوي الذكري كرمز للتضامن مع ...ضحايا بعض الفتيات ، و أكتفي بقراءة فرويد

Read More

هكذا تكلم المثقف المغربي ...

السلام عليكم ، فخباركم مصدر كلمة ' السلام ' هو سلم ، زعما الأمان ، سلم ، صلح ، و الرمز ديال السلام هو حمامة بيضا شادا     

wa peaaaaace :) , PËACE , هاداكشي ديال الزيتون ، و السلام هي 

آودي السلام لقاتو حتا سورية ؟ و سورية أصلا سميتها الرسمية هي : الجمهورية العربية السورية ، هادشي من 1951 ، فاش كانت انتفاضة الاكراد فشمال العراق ضد عبد الكريم قاسم ، و كان جا الملك الحسن التاني شد العرش ، للي كان تولد ف العاصمة ديال المغرب للي هي شنو ؟ الرباط .. ، مكلخ راه كاينا عاصمة إقتصادية و عاصمة علمية ، بزاف ديال العواصم ، و العصم مرض خطير ماغاديش نقولو حيت نتا غادي تكون من هادوك للي ماكيفهموش ف السياسة ، هههه تفكرت فاش" قال الصاحب بن عباد : والسياسة فعل السائس، والوالي يسوس رعيته !.. واييه ، شفتي علا بلان ؟ نظام فاسد بالجهد ، سير قرا ' الملك المفترس ' يا المكلخ  و غادي تشوف بزآآف ، نظام نتاهك لينا الحريات ديالنا ، اصلا انا حر ، و كانقول ' لا ' بزاف دالمرات فالنهار و حتا ل راسي ، اصلا انا متمرد و تزاديت هاككا ، ، و نقد دابا نعتارف ليك و نقول ليك بللي انا مثلي .... سكت ، خليني نهدر راني حر فالتعبيير ديالي ، و ايلا هدرتي غادي تنتاهكها ليا ، شوف معامن كاتهدر ، انا عضو فالجمعية المغربية لحقوق الإنسان ، حقي هو تسمع ليا ، صحة ، انا حر ، و نتا ديك تاتور ، و منحل متزمت ، و فحال القهوة ديال الصباح ديالي على أنغام محمود درويش ، اصلا شبعتي لحم الحيوانات البريئة يا الحقير ..واسير قرا مزيان ، عاد جي تحاد معايا ، و قرا على أدب الحوار يا الحمار ، راه بجوج خاصنا نتشاركو الحوار باش تكون المساواة ، و نتحررو بجوج ، و تسمع ليا و نسمع ليك و تحتارمني و نحتارمك واخا نتا حمار ، حيت الإحترام و تقبل الإختلاف راه والابودا باش نزيدو القدام ، و انا ماغاديش نعطيك حقك ، حيت انا حر... 

Read More

سيكولوجية المغاربة

هادي لاغتيكل 3 ، جاتني إلهام و خاصني نكتب ، و هاد إلهام جاتني فاش شفت واحد المرأة بالجلابة و وجهها ماكيبانش بالزيف و الإيمان كيقطر من الفصالة ديال الجلابة العريضة ، المحترمة .. واقفة تحت واحد الشجرة مع صاحبها ، المهم قالبينها بوسان و يدو دايرا الأوتوسطوب كاتسركل ليها ف ترمتها ، و تخيلت هاد المرأة نيت كاتهدر مع ختها الصغيرة ف الدين و داكشي ديال التقوة ، تخيلتها متخشعة و كاتنصح فيها باش تبعد على المحرمات ، و  ختها الصغيرة متيقاها ، ولكن حتا صاحبها  متيقها فاش كانو بجوج تحت الشجرة ...
ومن بعد شحال ديال الوقت نكحت فيه دماغي مزيان ، عرفت بللي باش تكون مغربي خاصك تكون دوبل طيط ، عندك جوج ديال الرؤوس ، رؤوس الفوق ... راس تقول بيه لدراري الصغار وللا فاش تكون باغي تدير فيها عندك مبادئ و مقود  و تڭول بيه الهدرة المقودة ، و تبين بللي راك تادير المزيان و مبعد من داكشي الخايب ، و رأس تاني تادير بيه داكشي المقودة عليه و كاتبدع فيه مزيان ، و كيزيد يقواد ، و كيعاود يتآكتيفا الرأس الأول فاش تحط راسك على الوسادة و تبدا تشم بيه ريحت الجنة ... عنداكم يصحاب ليكم بللي هاداك للي كيوقف و كيدير فيها العريفي مني كاتكون كاتبوس ف شي قنت بللي راه عندو مبادئ ؛ را ماكرهش كون كنتي عشيرو  :D تجيب ليه صاطة معاك ، و للا تخليه بوحدو 10 دقايق فالبيت قدام البيسي !
عارفها فشكل ، ولكن راه غيير كانخلصو على داكشي للي دارو للي سبقونا باش رباونا ، و كنتي فاش كاتسولو كيفاش تولدتي كيجاوبك : شربنا الدوا ، الله كبير ، الله جابك لينا ، وللا كاتاكل قتلة حتا كاتبول فحوايجك و نتا مازال ماعارفش بللي هاداك للي بلتي بيه هو سباب هاد شي كامل   ، و كيولي إبن بطوطة كيقلب على الدريات فاش أول مرة كيشوف إشهار ديال وحدة كاتحسن فخاضها و كييقيم ، و كيكتاشف بللي ماعندوش غير باش يبول بيه ، و المقودة هي أن هاد الساط كيقولك بالراس الأول الهدرة للي كان تيسمع من واليديه ، و الراس التاني كيدير بيه العكس !
المغاربة عندهم جوج رؤوس ، و فكل رأس كاينين بزاف ديال المخاخ ، مخ فيه كيفاش يتعامل مع صاحبتو للي كيبغيها و يبقا يبان راجل ، و مخ ديال كيفاش مايخليش صحابو يعرفوه كيبغي ( للي كل واحد فصحابو مخبي بللي راه كيبغي ) باش يبقا راجل ، و باش مايقولوش ليه دمدومة ، قطيط ، ( باش يبانو رجالة )  ، و هي غادا هاككا ... ولكن باش كيعجبوك الحمدلله، هو أن الله كاين ف أي دماغ و دميغ عند المغاربة ، كيحوي صاحبتو مزيآآآآان ، و هو كيحوي فيها ، تخيلو معايا تقول ليه بللي راها ملحدة ؟ وللا مسيحية ؟ وللا علمانية .. ، تخيلو ، تخيلتوه هز السروال ،  وللا العريفي تاني ؟  ناضت ليه اللحية ؟ !
هادشي غير شوية من بزاف ، المغربي كائن  عندو بزاف ديال الرؤوس ، و خاصك تكون مريض مزيان باش تكون مغربي ، و إيلا ماكنتيش مريض ، راك إنسان مغربي حر .. علاش هاد الخدمة ديال الشركات ف الدماغ و داير فيه أقسام باش ترضي الزبون ؟ ... بنادم لاخور ، علاش ؟ فحال شي شركة ديال لحم الخنزير و مكتوبة فيه كبييييرة : ' حلال ' ...
راه حتا أنا دابا طالقها عليكم بشي مخ فشي رأس ، ولكن كون نتا مقود و دير دماغ واحد تقاتل عليه و موت بيه ... و حتا نتي ديري دماغ واحد ، راه ماشي مشكل تبوسي ، را خوك الكبير كون كان درية كون كانت تاتبوس و تادير للي بغات ، المشكل هو تدير الحاجة ... n

و نتا عندك العكس ديالها ف دماغك ، و حتا هو تاديرو

Read More

سوبير مخزن

غبرت شحال على العالم الإفتراضي ، و تقريبا تقطعات العلاقة ديالي مع صحابي باش نعرف شنو واقع ، مع غادي نحل الفيسبوك ، غادي نلقا حملات ' فري كلشي ' ، ' فري الحاقد ' ، و مادازش بزاف حتا عرفت بللي قرقبو على معاد الحاقد ، و تزاد حتا هو ل قائمة المعتقلين السياسيين ، و الحريرة وللات جوج ، الدراري ديال 6أبريل ، و معاذ للي لبقو ليه تهمة التجارة ف الأوراق ديال التيران ، و هادشي خلاني نخرج بللي المخزن المغربي مقود بزاف ، و هاد القوادة صعيب باش تكون مغربية ، القوادة ديال شدو الدراري ف 6 أبريل ، و دابا معاذ الحاقد باش يتلفو بنادم ، شي يمشي مع معاذ و يبقاو الدراري ديال 6 أبريل مهمشين ، و هاككا شتو بنادم ،

و لأي واحد كيدير حملة ، وللا هاشتاغ فاش يتشد شي واحد ، راه مانافعا والو ، واش المخزن حمار زعما ؟ و للا المخزن غادي يتخلع من الهاشتاغ ؟الدراري ديال 6 أبريل تحاكمو، و تحبسوا من بعد شهر ديال التأجيل  الحملات خاصهم يكونو فاش تكون الوقت هانية و نديرو حملات ديال التوعية ديال عباد الله ،و المطالبة بالصراح ديال الدراري ، و النظال راه ماشء ستيل ، فاش ما طرا شي مصيبة كيبدا بنادم يبان ، و يخرج و يعمر وقتو حيت ماعندو مايدار من 2/6 خارج يناضل هو و صاحبتو و يتصورو ، هاد الحزاق مانافع لوالو ، التران  ديال المغرب  خسر ، تفرڭع ، هرب ، للي بغيتي ، هبط لكتامة طير ، وللا مرجان زحف ، وللا التلفازة نعس ، باش يكون الربع نضال و للي بقا تصاور و تصاطيح للا ،  راه عندنا سوبير مخزن ، و خاصنا سوبير شعب ، حاليا عندنا شعب كيخاف من الصداع ، كيخاف يغوت ، كيضرب 100 حساب قبل مايقول لا ، شعب باغي التعادل ، ضربو ، قمعو ، زيد ليه ف كلشي ، و زيد ليه ، و هانية ، خبزة و براد أتاي مكفياه مسكين حتا يمشي عند مولاه ، و هادي هدرا آخرة و سياسة ٱخرة ماغاديش نهدر عليها ..

6أبريل ، معاذ ، و الدراري ، ف السجن ، و المغاربة برا الحبس ، ولكن واش بصح برا الحبس ؟؟

جوج حوايج حرام و عيب يهدر فيها المغربي ، الدين و السياسة ، وللا بجوج ف خطرا ، فهمتيني وللا لا ؟

الحل الوحيد للي يقد ينجح ، هو نتسناو شي برنامج فحال فوطوشوب ، ولكن هادا سميتو موروكوشوب و منو تقدر تزيد وللا تنقص فهاد البلاد ، غير رسم ، فحال هاككا غادي نقد نبرك ف درب كبير ، و نمسح للي يدوز منو ، و فخلال 30 دقيقة غادي نكون مسحت الربع ديال المغاربة للي مصايباهم شوميشة، الربع لاخر غادي نلقاهم حدا العدول ، مشادين و مزينڭين و ريحت الحب و الأفلام التركية كاتعطعط منهم ، و غير غادي يتزوجو... حبيبة صباح الخير ..؛ تفو دينمو على صباح لله ينعل لك الواليدين تفو ... بابا خرجني ليوم ؟ غادي ندي دينمك للصبيطار .. ، و هوما السباب للي خرجو بنادم قابل باش يتحمر و يتشرمل ، بنادم مصلوق مهيء و قابل للأكل و عندو تاريخ الإنتهاء مع أول مرة غادي يشد التيليكوموند ، كلاه الشيطان ... ، شي طلة خفيفة حدا المدارس كاينين شي أساتذة للي كيبردو الغدايد فينا ، حيت جاه الضو غالي ؟ كلنا هاكاك ، حيت زادو ف كلشي ؟ الڭارو حتا هو زادو فيه ربعة دريال ، و مع أول لقاءديالو مع الأستاذ : شنو بغيتي تولي فاش تكبر ؟ ... بغيت نولي طبيب ... غادي تولي طبيب ديال الزبل نتا ،  البرهوش تاع بوك ! و كانسدو عليه فالفرن لمدة سنوات قليلة بإذن الله و كيولي الخليط مشرمل ، و إيلا بغينا كانزيدو عليه الكاراميل ... سكت لدين مك ، أنا حر ، تبيع ؟ هاك و هارا ...

الرجا ، الوداد ، إيرماكس ، كوبرا ، مولاي براهيم ، الحوى ، الدوخة ، موطور ، و أمبي3 مافيهاش الباب ... هادشي للي كيعرف يدير المغربي الحر ، القح ، الزوين ، الدمدومة ، الحمار ، كارميلو واش قتل مهنذ ؟ لا ٱ لمكلخ ، آش جاب كارميلو ل مهنذ ؟ مكلخ تفو ! ، أجي عارف تشي غيفارا ؟ تشي غيفارا أغنية ألقلاوي ، كيقصرها ولد ميلودة بالڭيطار ، مالك مكلخ ؟ تفو ، الرجا خاصها غير وسط الدفاع و تكمل ، ٱش بان لك ؟ مريڭل أصاط ، ولله حتا ذكي ، معلم ... مشا !

كنت فالسابعة ، و كنت كانقرا عند واحد الأستاذ كيقري الرياضيات ، كان حاقد على الوضعية ، و كان عاود ليا واحد النكتة ديال ، واحد خينا مشا للسوق ، لقا واحد كيبيع دماغ ديال مغربي ، و دماغ ديال إسرائيلي ، الدماغ المغربي غلا من الدماغ الإسرائيلي للي رخيص ، حيت المغربي دماغو جديد ماعمرو خدم ' ، و كنت ماحملتوش و ضرباتني النفس ، و لكن دابا عرفتو علاش كان كيهدر ، و حتا أنا ماكرهتش شي دماغ مغربي ندير بيه لاباس  ! !

التغيير ، التغيير ، ا

لتوعية التوعية ، الحرية الحرية ... جون لينون شاف بعيد ، كون كان مغربي كون دخلوه ل صبيطار الحماق ، وكون كان مغربي كون سمعنا

Imagine there's no sick makhzen

It's hard if you try

No 9er3a below us

Above us only mercy

Imagine all the people living in justice

You, you may say i'm a fool

 well I'm not the only one

I hope some day you'll be free

And the cha3b will be as one

و كون لقينا شي هاشتاغ

#free_lennon

Read More

النفاق الفكري الروحاني !

' خمسة و خميس على عين الحساد ' ، خميسة ، نجمة خماسية ، عوينة .... التناقض المقوض عايشين فيه ، بنادم كيهدر على السطانيزم بحكم أن الله بوحدو للي كيزيد وللا كينقص ، و غير يشوف شي واحد كيتمزك للروك وللا عندو الشعر ، كيخرج فيه ما لذ و طاب من الٱيات التي تدعو إلى رجم و قتل أي واحد كيدعي شي قوة من غير الله ، ولكن بلاتي ، خميسة للي الدري مني كيحل عينيه و هو مشنوق بيها زعما هاديك غادا تكون السبب باش ماتشدش فيه العين ، هي للي غادا تخلي ربي يحفضو ؟ واحد كيصلي و لحيتو مغطية الربع ف وجهو ، غادي و كيدكر الله ، التسبيح و ريحت المسك ، و غادي عند الشيخ ، الشيخ للي كيعطيه المقادير باش يديرهوم ل مراتو حيت دارتليه وللا مابقاتش باغا دير ليه ، كيبدا ب ' بسم الله ' و كيياخد داك شي ، ماشي ساطانيزم هادا ؟ ساطانيزم إسلامي ؟ المرا للي النهار كامل و هي خاشية وجهها ف إقرأ ، و الجمعة تخدم القرآن بالجهد باش يقولو عليها معقولة ، و ماكاتخلي فقهة وللا شوافة وللا شيخ ، و الخطير أن إسم الشواف ولات سميتو الشيخ ، حتا هو عندو اللحية و جلابة و الطقوس ديالو باش كيساعد الناس ... ، شحال من واحد كيخرج مع باب الجامع كيتلاقا صاحبو فالطريق ، جميع أنواع الفواحش اللفظية كاتجبد ، و لكن غير كيقودوها و للي مؤمن فيهم مزيان كيقول ، ' لا حول ولا قوة إلا بالله ' و كيفورماطيو الذنوب ... و كاين للي النهار كامل و هو خاشي يدو ف صيكان عباد الله ، النهار كامل و هو من طوبيس ل طوبيس كيقلب علا الفيكتيم باش يكمل فلوس طريفة ، كيمشي يتحشش و هو كيتمزك ب التيليفون للي أصلا شافرو ، غير كيبدا الآدان كيطفي مزيكة حتا يسالي الٱذان ، بنادم كيسلم وقت للي بغا ، كيسلم فاش كيبغي يشوف بللي ربي راه كيشوف فيه ، النفاق الفكري المقود ، و السميات ديال المحرمات تبدلو ! الصاط نشربو الشراب ؟ الصاط نشطو هاد الليلة ؟ .. الصاط البارح ف الليل حويت فلانة ، البارح ف الليل جبت فلانة عندي للدار ، شفرت اليوم واحد البورطابل مزيان ، اليوم طلعت ڭاميلة مزيانة ... و غادا هاككا ، بنادم كيحلل و كيحرم ب طريقة غير مباشرة ل راسو ، و هادشي حيت بكترت ما ولف دماغو النفاق ف الأفكار ، وللا داكشي تلقائيا ، الإبداع ف النفاق ! و كانديرو الإسقاط ديال داكشي ديالنا علا عباد الله بلا مانعرفو ، حيت حنا ماقادرينش نقادو راسنا ، و نتحاربو معاه ، و هادشي كاين ف كلشي ، أي حاجة ، كانكلمنو الهدرة مزيان ، التصاحيب ماشي حرام ؟ النميمة ؟ الكذوب ؟ الضحك بالجهد ؟ كشف العورة ؟ السلام ب لابيز ؟ السلام ب البوسان ؟ البوسآآآآآن ، مآآح !
نتاقد راسك قبل ماتنتاقد بنادم ، سمي الحوايج ب سميتاهم و تحمل المسؤولية كاملة وللا ماتحملهاش فخطرة ، و إيلا شفتي شي واحد مختالف علك ، على الأقل غايكون صريح مع راسو ، و مايهمش كيفاش يكون ، و قبل ماتشدي إقرأ مسحي روطانا ، و قبل ماتشد التسبيح مسح النمرة ديال الدريات للي عندك ف التيليفون ، و قبل ماتربي الشعر و تصنط للمزيكا ، شري قيتار و عيش مع راسك !

Read More